«Күүстээх Ылдьыынтан» күүс ылан...

Ахтыы

А5а дойду сэриитин бэтэрээнэ, ЯАССР спордун маастара, Манчаары Спартакиадатын кыайыылаа5а Василий Тихонович Ильин-Куустээх Ылдьыын сырдык кэриэьигэр хапса5ай киинигэр, Уеһээ Бүлүүгэ, оҕолорго биирдиилээн бастыыр иьин турнир саҕаланыаҕыттан Кэбээйи Мукучутун хапсаҕайдьыттара күрэхтэһэбит. Турнир республикаҕа о5о хапса5айа сайдарыгар уонна уопсайынан, саха бу төрүт көрүҥүн сөргүтүүгэ сүҥкэн улахан акылааты уурда дии саныыбын. Ити сылларга хапсаҕайга о5о курэхтэһиитэ олох а5ыйах ахсааннаах этэ. «Күүстээх Ылдьыынтан» күүс ылбыт, суол тобулбут биэс кырачаан бөҕөстөрүм, билигин Саха Өрөспүүбүлүкэтин хапсаҕайга Маастардара буола үүннүлэр! Гена Степанов 2012 cыл кулун тутарыгар Үөһээ Бүлүүгэ бастаабыта онтон муус устар ыйга Бразилия5а кадеттар икки ардыларыгар Аан дойду чемпионатыгар саха омук чиэһин көмүскээн хапса5айга уонна мас тардыһыытыгар Аан дойду чемпиона буолбута. Бу кэннэ республика оскуолаларын икки ардыгар бастыыр иһин күрэхтэһиигэ кыайаммыт Россия тустууга Федерациятын бирииһин, көбүөр комплегынан наҕараадаламмыппыт. Дьэ, бу ситиһиилэрбитин Феодосия Васильевна таба көрөн, биһиэхэ оҕо спортивнай оскуолатын тэрийэргэ көмөлөспүтэ билигин хапсаҕайы сайыннарарбытыгар суолу тэллэ, Мукучу хапсаҕайа сайдарыгар улахан күүһү биэрдэ! 2015 cыл эмиэ убаастыыр, ытыктыыр киһибит өйөбүлүнэн, өрөспүүбүлүкэҕэ аан маҥнайгынан хапсаҕай түһүлгэтин үлэҕэ киллэрдибит!

Икки сылтан бэттэх бу аһаҕас турнир өрөспүүбүлүкэҕэ оҕолорго хамаанданан бастыыр иһин күрэхтэһиигэ улаатта, 2014 сыл кулун тутар 26-27 куннэригэр, Манчаары Баьылай аатынан спорт төрүт Киинин киэн нэлэмэн саалатыгар биирдиилээн уонна хамаанданан бастыыр иһин өрөспүүбүлүкэ аһа5ас чемпионатыгар 25 очколаах маҥнайгы миэстэҕэ тахсан тустуу көбүөрүнэн наҕараадаламмыппыт. Бу күрэхтэһиигэ 40 киилэҕэ Степанов Петя маҥнайгы миэстэ, 55 киилэҕэ Денис Степанов маҥнайгы, Владик Лепчиков иккис, Ньургустан Николаев маҥнайгы, иккис Вася Афанасьев оттон 70 киилэҕэ Рома Жирков үһүс миэстэ буолбуттара.

Манан сиэттэрэн, Сахабыт Сирин үүнэр ыччатыгар чөл олоҕу түстүүргэ, дьарыктаах туһалаах буолууну тэрийэргэ, саха төрүт көрүҥүн хапсаҕайы сайыннарыыга үлэлиир дьону өйүүргэ, төрөөбүт түөлбэҕэ тапталы, төрөппүт киһиэхэ сүгүрүйүүгэ анаан бу күрэхтэһиини тэрийэн ыытар Күүстээх Ылдьыын оҕолоругар, сиэннэригэр, аймахтарыгар барҕа махталбытын биллэрэбит!

Саха Өрөспүүбүлүкэтин Үтүөлээх тренерэ,

Кэбээйи улууһун Бочуоттаах олохтооҕо Михаил Иванов.

Тохсунньу 21 күнэ 2016 сыл.