https://ulus.media/2023/02/28/mukuchu-er-bertere-kvest-oonnuuga-k%d2%afrehtestiler/

САХА СИРЭ. КЭБЭЭЙИ УЛУУҺА. ULUS.MEDIA — Олунньу 28 күнэ. Үлэ сылын көрсө Мукучу нэһилиэгин тэрилтэлэрин икки ардыларыгар, эр хоһууттарга анаммыт «Суһал сулууспа» квест-оонньуу үһүс төгүлүн бэрт көхтөөхтүк ыытылынна.

Күрэххэ алта тэрилтэттэн 12 эр бэрдэ кытынна. Алта түһүмэх устата уолаттар эрбии тииһинии илин-кэлин түһүстүлэр. Ол курдук гиирэ көтөҕөн, сыал ытан, ырааҕы ыстанан тэҥнээхтэрин булбатылар, сорудаҕы толорон иистэнэн да ыллылар, түмүккэ сэниэ эбинэн хааһы сиэн үссэннилэр.
 

Күрэх тэрилтэнэн буолан хамаанда тыына күүстээх буолла. Муҥутуур кыайыылаах аатын Оҕо спортивнай оскуолата, иккис миэстэни баһаарынай чаас, үһүс миэстэни гимназия хамаандалара ыллылар.

Хоһуун хоодуот эр бэртэрбит эгил-тэгил түсүһэн, эһиилги сылга өссө күүскэ бэлэмнэнэн, кыайыы биһиэнэ буолуоҕа диэн эрэл санаалаах тарҕастылар, бэлиэ күнү хаартыскаҕа хатаан үйэтиттилэр.

Вера Прокопьева